Qytai ǵalymdary koronavirýstyń jańa shtamyn anyqtady. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiia aqparatynda aityldy, dep habarlaidy QazAqparat.
Qytai ǵalymdary Ońtústik Afrikada ótkizilgen zertteýlerdiń nátijelerin jariialady. Oǵan sáikes koronavirýstyń jańa – NeoCoV túri anyqtaldy. Ýhan ýniversitetiniń zertteýshileri Ońtústik Afrika Respýblikasyndaǵy jarqanattardan virýstyń jańa túrin tapqan. Bul MERS-CoV-tiń eń jaqyn «týysy», SARS-CoV-2-men jasýshalarǵa ený printsipteri uqsas jáne adamdarǵa qaýip tóndirýi múmkin. Virýs janýarlar arasynda taralady, adam denesimen ózara árekettesý úshin oǵan belgili bir mýtatsiia qajet.
«Onyń qabyǵynyń negizgi bóliginde bir ǵana mýtatsiianyń paida bolýy virýstyń adam jasýshalaryna belsendi enýine múmkindik beredi jáne oǵan MERS-CoV jáne SARS-CoV-2 antideneleri áser etpeitin bolady», – delingen habarlamada.
Biologtar atap ótkendei, bolashaqta sarapshylar osy virýstyń paida bolý nusqasyn, adamǵa áseri men taralýyn muqiiat tekserýi kerek.
Ýkrainada pandemiia kezindegi antirekord tirkeldi. Elde táýligine 30 myńnan astam adamnan koronavirýs anyqtaldy. Eldiń densaýlyq saqtaý ministrliginiń habarlaýynsha, 32 393 ýkrainalyq virýs juqtyrǵan. Aýrýhanalarǵa 3 016 adam tústi. Koronavirýstyń 154 jaǵdaiy ólimge alyp keldi. Infektsiianyń «omikron» shtamymen syrqattanýdyń alǵashqy jaǵdaiy 18 jeltoqsanda tirkeldi jáne sol kezden bastap infektsiia statistikasynyń kúrt ósýi bastaldy. Sarapshylar indettiń jappai taralýyn vaktsinatsiianyń tómen qarqynymen bailanystyrady. Qazirgi ýaqytta 41 208 000 adamnyń tek 15 250 200-i nemese 37% ǵana ekpe aldy. Tolyq egilgender sany – 14 546 590.
