قىتاي عالىمدارى كوروناۆيرۋستىڭ جاڭا شتامىن انىقتادى. بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا اقپاراتىندا ايتىلدى, دەپ حابارلايدى قازاقپارات.
قىتاي عالىمدارى وڭتٷستٸك افريكادا ٶتكٸزٸلگەن زەرتتەۋلەردٸڭ نەتيجەلەرٸن جارييالادى. وعان سەيكەس كوروناۆيرۋستىڭ جاڭا – NeoCoV تٷرٸ انىقتالدى. ۋحان ۋنيۆەرسيتەتٸنٸڭ زەرتتەۋشٸلەرٸ وڭتٷستٸك افريكا رەسپۋبليكاسىنداعى جارقاناتتاردان ۆيرۋستىڭ جاڭا تٷرٸن تاپقان. بۇل MERS-CoV-تٸڭ ەڭ جاقىن «تۋىسى», SARS-CoV-2-مەن جاسۋشالارعا ەنۋ پرينتسيپتەرٸ ۇقساس جەنە ادامدارعا قاۋٸپ تٶندٸرۋٸ مٷمكٸن. ۆيرۋس جانۋارلار اراسىندا تارالادى, ادام دەنەسٸمەن ٶزارا ەرەكەتتەسۋ ٷشٸن وعان بەلگٸلٸ بٸر مۋتاتسييا قاجەت.
«ونىڭ قابىعىنىڭ نەگٸزگٸ بٶلٸگٸندە بٸر عانا مۋتاتسييانىڭ پايدا بولۋى ۆيرۋستىڭ ادام جاسۋشالارىنا بەلسەندٸ ەنۋٸنە مٷمكٸندٸك بەرەدٸ جەنە وعان MERS-CoV جەنە SARS-CoV-2 انتيدەنەلەرٸ ەسەر ەتپەيتٸن بولادى», – دەلٸنگەن حابارلامادا.
بيولوگتار اتاپ ٶتكەندەي, بولاشاقتا ساراپشىلار وسى ۆيرۋستىڭ پايدا بولۋ نۇسقاسىن, ادامعا ەسەرٸ مەن تارالۋىن مۇقييات تەكسەرۋٸ كەرەك.
ۋكراينادا پاندەمييا كەزٸندەگٸ انتيرەكورد تٸركەلدٸ. ەلدە تەۋلٸگٸنە 30 مىڭنان استام ادامنان كوروناۆيرۋس انىقتالدى. ەلدٸڭ دەنساۋلىق ساقتاۋ مينيسترلٸگٸنٸڭ حابارلاۋىنشا, 32 393 ۋكراينالىق ۆيرۋس جۇقتىرعان. اۋرۋحانالارعا 3 016 ادام تٷستٸ. كوروناۆيرۋستىڭ 154 جاعدايى ٶلٸمگە الىپ كەلدٸ. ينفەكتسييانىڭ «وميكرون» شتامىمەن سىرقاتتانۋدىڭ العاشقى جاعدايى 18 جەلتوقساندا تٸركەلدٸ جەنە سول كەزدەن باستاپ ينفەكتسييا ستاتيستيكاسىنىڭ كٷرت ٶسۋٸ باستالدى. ساراپشىلار ٸندەتتٸڭ جاپپاي تارالۋىن ۆاكتسيناتسييانىڭ تٶمەن قارقىنىمەن بايلانىستىرادى. قازٸرگٸ ۋاقىتتا 41 208 000 ادامنىڭ تەك 15 250 200-ٸ نەمەسە 37% عانا ەكپە الدى. تولىق ەگٸلگەندەر سانى – 14 546 590.
