Qytai PTsR-taldaý men jalpy moiyndalǵan QR-kodty qoldaný standartyna negizdelgen densaýlyq kodyn ózara moiyndaýdyń halyqaralyq mehanizmin qurýdy usyndy.
QHR tóraǵasy Si Tszinpin beinekonferentsiia formatynda ótip jatqan Jiyrmalyq tobynyń (G20) sammitinde osyndai usynys jasady, dep habarlaidy QazAqparat.
«Qytai tarapy densaýlyq kodyn ózara moiyndaýdyń halyqaralyq tetigin jasaýdy usyndy. Bul mehanizm PTsR-taldaý men jalpy moiyndalǵan QR-kodty qoldaný standartyna negizdeledi», - dedi Si Tszinpin.
Bul rette QHR tóraǵasy atalǵan mehnizmge múmkindiginshe álemniń kóptegen óńirleri men elderi qosylatynyna senim bildirdi.
«Qytai koronavirýsqa qarsy vaktsinany zertteý men daiyndaý, óndirý men taratý baǵytynda ózge memlekettermen yntymaqtasýǵa daiyn», - dedi ol.
Aita keteiik, qazan aiynda Qytai Vaktsinatsiia men immýnizatsiia jónindegi jahandyq alianspen (GAVI) kelisim jasap, COVID-19 vaktsinasynyń jalpyǵa teńdei taratylýyn qamtamasyz etýge baǵyttalǵan halyqaralyq COVAX bastamasyna qosyldy.
