قىتاي پتسر-تالداۋ مەن جالپى مويىندالعان QR-كودتى قولدانۋ ستاندارتىنا نەگٸزدەلگەن دەنساۋلىق كودىن ٶزارا مويىنداۋدىڭ حالىقارالىق مەحانيزمٸن قۇرۋدى ۇسىندى.
قحر تٶراعاسى سي تسزينپين بەينەكونفەرەنتسييا فورماتىندا ٶتٸپ جاتقان جيىرمالىق توبىنىڭ (G20) سامميتٸندە وسىنداي ۇسىنىس جاسادى, دەپ حابارلايدى قازاقپارات.
«قىتاي تاراپى دەنساۋلىق كودىن ٶزارا مويىنداۋدىڭ حالىقارالىق تەتٸگٸن جاساۋدى ۇسىندى. بۇل مەحانيزم پتسر-تالداۋ مەن جالپى مويىندالعان QR-كودتى قولدانۋ ستاندارتىنا نەگٸزدەلەدٸ», - دەدٸ سي تسزينپين.
بۇل رەتتە قحر تٶراعاسى اتالعان مەحنيزمگە مٷمكٸندٸگٸنشە ەلەمنٸڭ كٶپتەگەن ٶڭٸرلەرٸ مەن ەلدەرٸ قوسىلاتىنىنا سەنٸم بٸلدٸردٸ.
«قىتاي كوروناۆيرۋسقا قارسى ۆاكتسينانى زەرتتەۋ مەن دايىنداۋ, ٶندٸرۋ مەن تاراتۋ باعىتىندا ٶزگە مەملەكەتتەرمەن ىنتىماقتاسۋعا دايىن», - دەدٸ ول.
ايتا كەتەيٸك, قازان ايىندا قىتاي ۆاكتسيناتسييا مەن يممۋنيزاتسييا جٶنٸندەگٸ جاھاندىق اليانسپەن (GAVI) كەلٸسٸم جاساپ, COVID-19 ۆاكتسيناسىنىڭ جالپىعا تەڭدەي تاراتىلۋىن قامتاماسىز ەتۋگە باعىتتالعان حالىقارالىق COVAX باستاماسىنا قوسىلدى.
