Ystyq shai, alkogol men shylym shegý óńesh obyrynyń qaýpin eseleidi. Qytaidyń bir top ǵalymynyń zertteýi Annals of Internal Medicine jýrnalynda jariialandy, dep habarlaidy "Ult aqparat" Tengrinews.kz-ke silteme jasap.
30 ben 79 jas aralyǵyndaǵy 456 myń adamnyń tamaqtaný ádebine toǵyz jyl boiy júrgizilgen zertteýden 1731 jaǵdaida óńeshtiń obyry paida bolǵany baiqalǵan.
Ǵalymdardyń paiymynsha, bul dert ystyq shai men ishimdikti jii paidalanatyndar arasynda bes ese kóp kezdesken. Sonymen qatar, ystyq sýsyndar men shylym shegetinder arasynda ol eki ese jii baiqalǵan.
Zertteý málimetterine sáikes, Tselsii boiynsha 65 gradýstan joǵary temperatýradaǵy sýsyndar ishki organdarǵa termikalyq jaraqat túsiredi, al keiin ol onkologiialyq dertke meńdeýi múmkin. Osyǵan bailanysty ǵalymdar óte ystyq sýsyndardy paidalanýda abai bolýǵa shaqyrdy, ásirese, temeki shegetin jáne ishimdikke áýes adamdar qaýipke jaqyn eken. Jaqynda Dúniejúzilik densaýlyq saqtaý uiymy alkogoldik ishimdikter men qaterli isiktiń birqatarynyń bailanysy baryn málimdegen.
