Foto: defense.gov
Djo Baiden Taivanǵa Qytai shabýyl jasaǵan jaǵdaida, AQSh qorǵaitynyn málimdedi, - dep habarlaidy Tengrinews.kz.
Bul týraly Djo Baiden CBS arnasyndaǵy "60 minýt" baǵdarlamasyna bergen suhbatynda aitty.
Qytai Taivanǵa basyp kirgen jaǵdaida AQSh qorǵai ma degen suraqqa Baiden: "Iá, shyn máninde, buryn-sońdy bolmaǵan shabýyl bolsa", - dep jaýap berdi.
Ol AQSh Qytaidyń saiasatyn qoldap, Taivannyń táýelsizdigin qoldamaitynyn eskertti.
"Biz Taivan aralymen jaqsy yntymaqtastyqta bolsaq ta, Qytaidan táýelsizdik alýǵa shaqyrmaimyz", - dedi amerikalyq kóshbasshy.
Mamyr aiynda Baidenge Qytai Taivanǵa basyp kirse, AQSh áskeri áreketterge aralasa ma dep suraǵan bolatyn.
"Iá... Bul biz qabyldaǵan mindetteme", - dep jaýap berdi ol.
Aq úi de AQSh-tyń Taivanǵa qatysty saiasaty ózgermegenin aityp, bul málimdemeden tez bas tartty.
