فوتو: defense.gov
دجو بايدەن تايۆانعا قىتاي شابۋىل جاساعان جاعدايدا, اقش قورعايتىنىن مەلٸمدەدٸ, - دەپ حابارلايدى Tengrinews.kz.
بۇل تۋرالى دجو بايدەن CBS ارناسىنداعى "60 مينۋت" باعدارلاماسىنا بەرگەن سۇحباتىندا ايتتى.
قىتاي تايۆانعا باسىپ كٸرگەن جاعدايدا اقش قورعاي ما دەگەن سۇراققا بايدەن: "يە, شىن مەنٸندە, بۇرىن-سوڭدى بولماعان شابۋىل بولسا", - دەپ جاۋاپ بەردٸ.
ول اقش قىتايدىڭ ساياساتىن قولداپ, تايۆاننىڭ تەۋەلسٸزدٸگٸن قولدامايتىنىن ەسكەرتتٸ.
"بٸز تايۆان ارالىمەن جاقسى ىنتىماقتاستىقتا بولساق تا, قىتايدان تەۋەلسٸزدٸك الۋعا شاقىرمايمىز", - دەدٸ امەريكالىق كٶشباسشى.
مامىر ايىندا بايدەنگە قىتاي تايۆانعا باسىپ كٸرسە, اقش ەسكەري ەرەكەتتەرگە ارالاسا ما دەپ سۇراعان بولاتىن.
"يە... بۇل بٸز قابىلداعان مٸندەتتەمە", - دەپ جاۋاپ بەردٸ ول.
اق ٷي دە اقش-تىڭ تايۆانعا قاتىستى ساياساتى ٶزگەرمەگەنٸن ايتىپ, بۇل مەلٸمدەمەدەن تەز باس تارتتى.
