Qytai azamattarynyń Qazaqstan aýmaǵynda 72 saǵattyq vizasyz bolý merzimi 2020 jyldyń 1 shildesine deiin toqtatyldy. QR Úkimeti búgin resmi saitynda osy máselege qatysty arnaiy qaýlyny jariialady, – dep habarlaidy «Ult aqparat».
Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen bekitilgen Kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń 26-1-tarmaǵynyń qoldanylýyn toqtata turý týraly.
«Quqyqtyq aktiler týraly» 2016 jylǵy 6 sáýirdegi Qazaqstan Respýblikasynyń Zańy 46-babynyń 1-tarmaǵyna sáikes Qazaqstan Respýblikasynyń Úkimeti QAÝLY ETEDI:
1. Nur-Sultan, Almaty, Shymkent, Aqtaý, Qaraǵandy jáne Taraz qalalarynyń halyqaralyq áýejailary arqyly tranzitpen ótetin Qytai Halyq Respýblikasynyń azamattary úshin Qazaqstan Respýblikasyna kelýdiń, bolýdyń jáne odan ketýdiń jetpis eki saǵattyq vizasyz rejiminiń qoldanylýy bóliginde Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen (Qazaqstan Respýblikasynyń PÚAJ-y, 2012 j., № 29, 388-qujat) bekitilgen Kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń 26-1-tarmaǵynyń qoldanylýy 2020 jylǵy 1 shildege deiin toqtatyla tursyn.
2. Osy qaýly qol qoiylǵan kúninen bastap qoldanysqa engiziledi jáne resmi jariialanýy tiis.
Qazaqstan Respýblikasynyń Premer-Ministri A.Mamin
