Qazaqstandyq sportshy Aleksandr Gerlits Qytai astanasy Beijińde ótip jatqan 2022 jylǵy Paralimpiada oiyndarynda sprint jarysynda 5-orynǵa turaqtady, dep habarlaidy QazAqparat.
Atalǵan saiysta frantsýz Bendjamin Dave jeńimpaz atandy. Ekinshi oryn nemis sportshysy Marko Maierge buiyrsa, úzdik úshtikti ýkrainalyq Grigorii Vovchinskii (Ýkraina) túiindedi.
Endi Aleksandr Gerlits 11 naýryzda parabiatlon saiysynda synǵa túsedi.
Eske salsaq, ol 8 naýryzda parabiatlonnan 10 shaqyrymǵa túregep syrǵanaýda qola medal aldy. Ony júldesimen QR Prezidenti Qasym-Jomart Toqaev quttyqtady.
Aleksandr Gerlits 1989 jyldyń 31 shildesinde Soltústik Qazaqstan oblysy Aqjar aýdanynda dúniege keldi.
2011 jyly jol apatyna túsip, oǵan úshinshi toptaǵy múgedektik taǵaiyndaldy. 2014 jyldan bastap ol Ivan jáne Mariia Drobiazko syndy bapkerlerdiń jetekshiligimen shańǵy sportynyń qyr-syryna qanyqty. Ákesi Aleksandr Aleksandrovich Gerlits balasynyń árdaiym sportpen ainalysýyna kóńil bóldi. Alǵash ret 2018 jylǵy Paralimpiada oiyndaryna qatysty.
