قازاقستاندىق سپورتشى الەكساندر گەرليتس قىتاي استاناسى بەيجٸڭدە ٶتٸپ جاتقان 2022 جىلعى پاراليمپيادا ويىندارىندا سپرينت جارىسىندا 5-ورىنعا تۇراقتادى, دەپ حابارلايدى قازاقپارات.
اتالعان سايىستا فرانتسۋز بەندجامين داۆە جەڭٸمپاز اتاندى. ەكٸنشٸ ورىن نەمٸس سپورتشىسى ماركو مايەرگە بۇيىرسا, ٷزدٸك ٷشتٸكتٸ ۋكراينالىق گريگوريي ۆوۆچينسكيي (ۋكراينا) تٷيٸندەدٸ.
ەندٸ الەكساندر گەرليتس 11 ناۋرىزدا پارابياتلون سايىسىندا سىنعا تٷسەدٸ.
ەسكە سالساق, ول 8 ناۋرىزدا پارابياتلوننان 10 شاقىرىمعا تٷرەگەپ سىرعاناۋدا قولا مەدال الدى. ونى جٷلدەسٸمەن قر پرەزيدەنتٸ قاسىم-جومارت توقاەۆ قۇتتىقتادى.
الەكساندر گەرليتس 1989 جىلدىڭ 31 شٸلدەسٸندە سولتٷستٸك قازاقستان وبلىسى اقجار اۋدانىندا دٷنيەگە كەلدٸ.
2011 جىلى جول اپاتىنا تٷسٸپ, وعان ٷشٸنشٸ توپتاعى مٷگەدەكتٸك تاعايىندالدى. 2014 جىلدان باستاپ ول يۆان جەنە مارييا دروبيازكو سىندى باپكەرلەردٸڭ جەتەكشٸلٸگٸمەن شاڭعى سپورتىنىڭ قىر-سىرىنا قانىقتى. ەكەسٸ الەكساندر الەكساندروۆيچ گەرليتس بالاسىنىڭ ەردايىم سپورتپەن اينالىسۋىنا كٶڭٸل بٶلدٸ. العاش رەت 2018 جىلعى پاراليمپيادا ويىندارىنا قاتىستى.
