Qyrymbek Kósherbaev Qazaqstan Respýblikasy Prezidentiniń janyndaǵy Azamattyq máseleleri jónindegi komissiianyń otyrysyn ótkizdi, dep habarlaidy Aqorda.
Búgin QR Memlekettik hatshysy Q.E.Kósherbaevtyń tóraǵalyǵymen Qazaqstan Respýblikasy Prezidentiniń janyndaǵy Azamattyq máseleleri jónindegi komissiianyń kezekti otyrysy onlain rejiminde ótti.
Otyrysta Qazaqstan azamattyǵyn alýǵa jáne odan shyǵýǵa tilek bildirgen adamdardyń ótinishteri qaraldy.
Odan bólek, Ishki ister jáne Syrtqy ister ministrlikteriniń azamattyqty ózgertý máseleleri jóninde 2020 jyly atqarǵan jumystarynyń aldyn ala nátijeleri talqylandy.
Jiyn qorytyndysy boiynsha Komissiia Memleket basshysynyń qaraýyna jaqyn jáne alys shetelderden kelgen ártúrli ulttardyń 1037 ókilin elimizdiń azamattyǵyna qabyldaý týraly usynys engizedi.
Komissiia 300 adamnyń Qazaqstan azamattyǵynan shyǵý týraly ótinishin qanaǵattandyrýdy da usynatyn bolady.
