2022 jylǵy qyrkúiektegi infliatsiia deńgeii tamyzben salystyrǵanda 1,8%-ǵa ósip, jyldyq infliatsiia deńgeii 17,7%-ǵa jetti. Bul týraly Ulttyq statistika biýrosy málimdedi, dep jazady Ulysmedia.kz.
2022 jylǵy qyrkúiekte azyq-túlik taýarlarynyń baǵasy ótken jylǵy qyrkúiekpen salystyrǵanda 22,2%-ǵa ósti.
Qyrkúiek aiynda infliatsiianyń eń joǵary ósim qarqyny aqyly qyzmetter salasynda baiqaldy – 2,7%, azyq-túlikke jatpaityn taýarlar 1,9%-ǵa qymbattady.
Aqyly qyzmetter arasynda bir aidyń ishinde eń joǵary ósim turǵyn úidi jalǵa berý salasynda baiqaldy – 13,1%, bilim berý qyzmetteri 7,1%-ǵa ósti.
Azyq-túlikke jatpaityn taýarlardyń ishinen jihaz ben turmystyq zattar baǵasy 5%-ǵa kóterildi, jýý jáne tazalaý quraldary 4,4%-ǵa, jeke paidalanýǵa arnalǵan taýarlar 2%-ǵa, kiim men aiaq kiim 1,9%-ǵa qymbattady.
Otyn baǵasy 3%-ǵa, tas kómir 2,9%-ǵa, ballondardaǵy suiytylǵan gaz 1,5%-ǵa ósti.
Azyq-túlik taýarlarynyń baǵasy bir aida 1,2% ósti. Jumyrtqa baǵasy 7,5%-ǵa, kúnbaǵys maiy 4,6%-ǵa, kúrish, makaron ónimderi árqaisysy 4,1%-ǵa, toqash jáne un ónimderi 3,8%-ǵa, jarmalar 3,2%-ǵa, konditer ónimderi 3,1%-ǵa ósti.
Bul rette, jańa pisken kókónister baǵasy 10,2%-ǵa, kartop 8,5%-ǵa, qumsheker 5,2%-ǵa, jańa pisken jemister 3%-ǵa arzandady.
