Qyrǵyzstan Syrtqy ister ministriniń baspasóz hatshysy Shyńǵys Kústebaev Resei prezidenti Vladimir Pýtinniń Tájikstan basshysy Emomali Rahmondy marapattaǵanyna tań qaldy, dep jazady Ulysmedia.kz.
4 qazan kúni Pýtin Rahmondy III dárejeli «Otan aldyndaǵy eńbegi úshin» ordenimen marapattady. Bul marapat Tájikstan prezidentiniń 70 jyldyǵyna negizdelgen.
Qyrǵyzstan tarapy Rahmon Pýtinniń qolynan ótken joly da marapat alǵanyn aitty. Naqtylap óter bolsaq, Tájikstan basshysy «memleketter arasyndaǵy dostyq, túsinistik jáne áriptestikti damytqany» úshin alǵys alǵan.
«Jyl ótken saiyn Tájikstan basshylyǵy Ortalyq Aziia memleketteri arasyndaǵy beibitshilik pen kelisimge kedergi keltirýde. Budan soń, aimaqtyq qaýipsizdik týraly qalai aitýǵa bolady? Qyrǵyz jerinde jazyqsyz qaza tapqandardyń qany da kepken joq. Analar áli kúnge deiin balalaryn joqtaýda. Beibit turǵyndar tas-talqan bolǵan úilerine endi oralyp jatqanda bul marapat túsinbeýshilik týǵyzady. Mereitoi mereitoiymen, al dálel sol kúiinde qalady. Bul qadam bizdiń qyrǵyz-tájik shekarasynda kórip otyrǵan jaǵdaiǵa múlde sáikes kelmeidi», - dep jazdy Kústebaev.
Aita ketelik, 14 qyrkúiek kúni qyrǵyz-tájik shekarasynda kezekti qaqtyǵystar bastalyp, 59 adam kóz jumdy.
Eki el shekarasynda kikiljiń turaqty túrde bolyp turady.
