Qyrǵyzstannyń sailaý jáne referendým ótkizý jónindegi ortalyq komissiiasy 2020 jyldyń 4 qazanynda Jogorký Kenesh depýtattarynyń sailaýynda berilgen daýystardy zańǵa sai emes dep tapty.
Bul týraly Qyrǵyzstannyń KABAR agentigi habarlady.
Qyrǵyzstandaǵy parlament sailaýy 4 qazan kúni ótti. Oǵan 16 saiasi partiia qatysty. Esepteý boiynsha 4 partiianyń jinaǵan daýysy 7 paiyzdan asqan. Olar: «Birimdik» - 24,5%, «Mekenim Kyrgyzstan» - 23,88%, «Kyrgyzstan» - 8,76%, «Býtýn Kyrgyzstan» - 7,13%.
Basqa partiialar qajetti daýys jinai almady.
5 qazanda túske qarai sailaý qorytyndysymen kelispegender Ala-Too alańynda mitingige shyqty. Jeńilgen partiia kóshbasshylary bilikten sailaý qorytyndysynyń kúshin joiýdy talap etti. Olardyń pikirinshe, sailaýda óreskel tártip buzýshylyqtar bolǵan.
Keshke qarai «Aq úige» shabýyl jasaǵan mitingige qatysýshylar men quqyq qorǵaý organdary qyzmetkerleriniń arasynda qaqtyǵys bastaldy. Qarsylyq tanytýshylar 6 qazan túnde «Aq úidi» basyp aldy.
