قىرعىزستاننىڭ سايلاۋ جەنە رەفەرەندۋم ٶتكٸزۋ جٶنٸندەگٸ ورتالىق كوميسسيياسى 2020 جىلدىڭ 4 قازانىندا جوگوركۋ كەنەش دەپۋتاتتارىنىڭ سايلاۋىندا بەرٸلگەن داۋىستاردى زاڭعا ساي ەمەس دەپ تاپتى.
بۇل تۋرالى قىرعىزستاننىڭ كابار اگەنتٸگٸ حابارلادى.
قىرعىزستانداعى پارلامەنت سايلاۋى 4 قازان كٷنٸ ٶتتٸ. وعان 16 ساياسي پارتييا قاتىستى. ەسەپتەۋ بويىنشا 4 پارتييانىڭ جيناعان داۋىسى 7 پايىزدان اسقان. ولار: «بيريمديك» - 24,5%, «مەكەنيم كىرگىزستان» - 23,88%, «كىرگىزستان» - 8,76%, «بۋتۋن كىرگىزستان» - 7,13%.
باسقا پارتييالار قاجەتتٸ داۋىس جيناي المادى.
5 قازاندا تٷسكە قاراي سايلاۋ قورىتىندىسىمەن كەلٸسپەگەندەر الا-توو الاڭىندا ميتينگٸگە شىقتى. جەڭٸلگەن پارتييا كٶشباسشىلارى بيلٸكتەن سايلاۋ قورىتىندىسىنىڭ كٷشٸن جويۋدى تالاپ ەتتٸ. ولاردىڭ پٸكٸرٸنشە, سايلاۋدا ٶرەسكەل تەرتٸپ بۇزۋشىلىقتار بولعان.
كەشكە قاراي «اق ٷيگە» شابۋىل جاساعان ميتينگٸگە قاتىسۋشىلار مەن قۇقىق قورعاۋ ورگاندارى قىزمەتكەرلەرٸنٸڭ اراسىندا قاقتىعىس باستالدى. قارسىلىق تانىتۋشىلار 6 قازان تٷندە «اق ٷيدٸ» باسىپ الدى.
