Almatydaǵy tártipsizdikterden keiin ustalǵandardyń biri belgisiz bireýler mitingige qatysý úshin 90 myń teńge usynǵandyqtan Qyrǵyzstannan ushyp kelgenin aitty, dep habarlaidy Sputnik Qazaqstan.
Ushaqtyń aqysyn tólep, páterge ornalastyrǵan. Onymen birge Ózbekstan men Tájikstannan kelgender de bolypty.
"Qyrǵyzstanda jumyssyz bolǵandyqtan kelistim. Olar bilet alyp berdi, ekisi kúni Almatyǵa ushyp keldim, olar meni páterge alyp ketti. Ol jerde Ózbekstan, Tájikstan azamattary da boldy, biraq olardyń ne aityp jatqanyn túsinbedim. Páterde 10-ǵa jýyq adam boldy. Miting bastalǵan kezde qorqyp kettim, páterge qaityp, túnep shyqtym. Kelesi kúni úige qaitýǵa bel býdym, biraq áskeriler ustady", - dedi ol.
Esterińizge sala keteiik, buǵan deiin Ishki ister ministrliginiń basshysy Erlan Turǵymbaev 5 qańtarda Almatynyń ortalyǵyna birden 20 myńǵa jýyq adam aǵylǵanyn habarlaǵan bolatyn.
Sondai-aq buǵan deiin respýblikada shet tilderinde sóileitin kórshiles elderdiń azamattary da áreket etkeni aityldy.
