الماتىداعى تەرتٸپسٸزدٸكتەردەن كەيٸن ۇستالعانداردىڭ بٸرٸ بەلگٸسٸز بٸرەۋلەر ميتينگٸگە قاتىسۋ ٷشٸن 90 مىڭ تەڭگە ۇسىنعاندىقتان قىرعىزستاننان ۇشىپ كەلگەنٸن ايتتى, دەپ حابارلايدى Sputnik قازاقستان.
ۇشاقتىڭ اقىسىن تٶلەپ, پەتەرگە ورنالاستىرعان. ونىمەن بٸرگە ٶزبەكستان مەن تەجٸكستاننان كەلگەندەر دە بولىپتى.
"قىرعىزستاندا جۇمىسسىز بولعاندىقتان كەلٸستٸم. ولار بيلەت الىپ بەردٸ, ەكٸسٸ كٷنٸ الماتىعا ۇشىپ كەلدٸم, ولار مەنٸ پەتەرگە الىپ كەتتٸ. ول جەردە ٶزبەكستان, تەجٸكستان ازاماتتارى دا بولدى, بٸراق ولاردىڭ نە ايتىپ جاتقانىن تٷسٸنبەدٸم. پەتەردە 10-عا جۋىق ادام بولدى. ميتينگ باستالعان كەزدە قورقىپ كەتتٸم, پەتەرگە قايتىپ, تٷنەپ شىقتىم. كەلەسٸ كٷنٸ ٷيگە قايتۋعا بەل بۋدىم, بٸراق ەسكەريلەر ۇستادى", - دەدٸ ول.
ەستەرٸڭٸزگە سالا كەتەيٸك, بۇعان دەيٸن ٸشكٸ ٸستەر مينيسترلٸگٸنٸڭ باسشىسى ەرلان تۇرعىمباەۆ 5 قاڭتاردا الماتىنىڭ ورتالىعىنا بٸردەن 20 مىڭعا جۋىق ادام اعىلعانىن حابارلاعان بولاتىن.
سونداي-اق بۇعان دەيٸن رەسپۋبليكادا شەت تٸلدەرٸندە سٶيلەيتٸن كٶرشٸلەس ەلدەردٸڭ ازاماتتارى دا ەرەكەت ەتكەنٸ ايتىلدى.
