Búgin shekarashylar qazaq-qyrǵyz shekara ýchaskesiniń Qarasý (Jambyl oblysy) avtomobil ótkizý pýnktinde 80 tonna «AI-92» markaly janar-jaǵarmai materialdaryn Qazaqstannan áketýge jol bermedi, dep habarlaidy QazAqparat.
Shekara qyzmetiniń málimetine sensek, zańsyz tasymaldaýshylar munai ónimin tsement qaptarynyń arasyna jasyryp ótkizbek bolǵan.
Eki júk mashinasyn tekserý kezinde tsisternalardyń syrty aǵash úgindisi salynǵan qaptarmen jabylǵany anyqtaldy.
Taýar ilespe qujattar boiynsha «qurama» júk retinde rásimdelgen.
Ustalǵan janar-jaǵarmai materialdary Jambyl oblysy boiynsha Memlekettik kirister departamentine berildi.
Shekara qyzmeti qazirgi ýaqytta Qazaqstan Respýblikasynyń aýmaǵynan benzindi, dizel otynyn jáne munai ónimderiniń jekelegen túrlerin avtomobil kóligimen áketýge tyiym salynatynyn eske salady.
