بٷگٸن شەكاراشىلار قازاق-قىرعىز شەكارا ۋچاسكەسٸنٸڭ قاراسۋ (جامبىل وبلىسى) اۆتوموبيل ٶتكٸزۋ پۋنكتٸندە 80 توننا «اي-92» ماركالى جانار-جاعارماي ماتەريالدارىن قازاقستاننان ەكەتۋگە جول بەرمەدٸ, دەپ حابارلايدى قازاقپارات.
شەكارا قىزمەتٸنٸڭ مەلٸمەتٸنە سەنسەك, زاڭسىز تاسىمالداۋشىلار مۇناي ٶنٸمٸن تسەمەنت قاپتارىنىڭ اراسىنا جاسىرىپ ٶتكٸزبەك بولعان.
ەكٸ جٷك ماشيناسىن تەكسەرۋ كەزٸندە تسيستەرنالاردىڭ سىرتى اعاش ٷگٸندٸسٸ سالىنعان قاپتارمەن جابىلعانى انىقتالدى.
تاۋار ٸلەسپە قۇجاتتار بويىنشا «قۇراما» جٷك رەتٸندە رەسٸمدەلگەن.
ۇستالعان جانار-جاعارماي ماتەريالدارى جامبىل وبلىسى بويىنشا مەملەكەتتٸك كٸرٸستەر دەپارتامەنتٸنە بەرٸلدٸ.
شەكارا قىزمەتٸ قازٸرگٸ ۋاقىتتا قازاقستان رەسپۋبليكاسىنىڭ اۋماعىنان بەنزيندٸ, ديزەل وتىنىن جەنە مۇناي ٶنٸمدەرٸنٸڭ جەكەلەگەن تٷرلەرٸن اۆتوموبيل كٶلٸگٸمەن ەكەتۋگە تىيىم سالىناتىنىن ەسكە سالادى.
