Qyrǵyzstanda taǵy eki bank reseilik "Mir" tólem kartasyna qyzmet kórsetýden bas tartty, dep habarlaidy Azattyq.
Aqparatqa qaraǵanda, "Aziia bank" jáne "Qyrǵyzstannyń kommertsiialyq banki" Reseidiń birqatar bankimen áriptestikti toqtatqan.
"Aziia banktiń" koll-tsentri bir apta buryn "Mir" kartasyn qabyldaýdan bas tartqanyn jetkizdi. "Qyrǵyzstannyń kommertsiialyq banki" "Mir" kartasynan bas tartqanynyń sebebin, Batys elderi salǵan sanktsiiamen bailanystyrady.
Osyǵan deiin Qyrǵyzstannyń "Kompanon", "Dos-Kredobank" jáne "Bakai bank" kommertsiialyq bankteri "Mir" tólem kartasyn qabyldaýdan bas tartqan.
AQSh-tyń qarjy ministrligi Reseidiń tólem júiesine qyzmet kórsetken úshinshi elderge de sanktsiia salynatynyn eskertken. Osydan keiin Túrkiia, Qazaqstan jáne Vetnam elderiniń birqatar kommertsiialyq bankteri "Mir" tólem kartasyn qabyldaýdy toqtatqan.
