Sýret: kabar.kg
Qyrǵyzstanda qutqarýshylar Osh oblysynda sel júrgen kezde joǵalyp ketken taǵy eki qazaqstandyq balanyń denesin tapty, dep habarlaidy "Ult aqparat" Qazaqstannyń syrtqy ister ministrligine silteme jasap.
Qyrǵyzstan Tótenshe jaǵdailar ministrligi jedel shtabynyń aqparatyna sáikes, sý tasqyny saldarynan buryn joǵalyp ketken taǵy eki balanyń – Qazaqstan azamatynyń denesi tabylǵan.
"Qazirgi ýaqytta jergilikti biliktiń kómegimen jedeldetilgen rejimde qujattar resimdelip, qajetti rásimder júrgizilýde. Qazaqstandyq diplomattar qaza tapqandardyń týystaryna barynsha kómek kórsetip jatyr", - delingen vedomstvo taratqan habarlamada.
Ministrlik ókilderi jaqyn arada Qazaqstan Tótenshe jaidailar ministrliginiń ushaǵymen qaza tapqan barlyq tórt balanyń denesi elge jetkiziletinin habarlady.
Buǵan deiin Qyrǵyzstanda nóser jaýyn-shashyn saldarynan júrgen sel kezinde qaza tapqandar ishinde qazaqstandyq eki bala bary anyqtalǵanyn, taǵy eki bala joǵalyp ketkenin jazǵan edik.
