سۋرەت: kabar.kg
قىرعىزستاندا قۇتقارۋشىلار وش وبلىسىندا سەل جٷرگەن كەزدە جوعالىپ كەتكەن تاعى ەكٸ قازاقستاندىق بالانىڭ دەنەسٸن تاپتى, دەپ حابارلايدى "ۇلت اقپارات" قازاقستاننىڭ سىرتقى ٸستەر مينيسترلٸگٸنە سٸلتەمە جاساپ.
قىرعىزستان تٶتەنشە جاعدايلار مينيسترلٸگٸ جەدەل شتابىنىڭ اقپاراتىنا سەيكەس, سۋ تاسقىنى سالدارىنان بۇرىن جوعالىپ كەتكەن تاعى ەكٸ بالانىڭ – قازاقستان ازاماتىنىڭ دەنەسٸ تابىلعان.
"قازٸرگٸ ۋاقىتتا جەرگٸلٸكتٸ بيلٸكتٸڭ كٶمەگٸمەن جەدەلدەتٸلگەن رەجيمدە قۇجاتتار رەسٸمدەلٸپ, قاجەتتٸ رەسٸمدەر جٷرگٸزٸلۋدە. قازاقستاندىق ديپلوماتتار قازا تاپقانداردىڭ تۋىستارىنا بارىنشا كٶمەك كٶرسەتٸپ جاتىر", - دەلٸنگەن ۆەدومستۆو تاراتقان حابارلامادا.
مينيسترلٸك ٶكٸلدەرٸ جاقىن ارادا قازاقستان تٶتەنشە جايدايلار مينيسترلٸگٸنٸڭ ۇشاعىمەن قازا تاپقان بارلىق تٶرت بالانىڭ دەنەسٸ ەلگە جەتكٸزٸلەتٸنٸن حابارلادى.
بۇعان دەيٸن قىرعىزستاندا نٶسەر جاۋىن-شاشىن سالدارىنان جٷرگەن سەل كەزٸندە قازا تاپقاندار ٸشٸندە قازاقستاندىق ەكٸ بالا بارى انىقتالعانىن, تاعى ەكٸ بالا جوعالىپ كەتكەنٸن جازعان ەدٸك.
