Foto: ©️ Tengrinews.kz / Turar Qazanǵapov
Kamchi Kolbaev laqap atymen tanymal Kamchybek Asanbektiń taǵy bir qudasy ustaldy. Rýstam Týrdiev eki aiǵa Qyrǵyzstan MUQK tergeý izoliatoryna qamaldy, - dep habarlaidy Tengrinews.kz saity 24.kg agenttigine silteme jasap.
Bishkekte ótken aptada joiylǵan uiymdasqan qylmystyq top jetekshisi Kamchi Kolbaevtyń taǵy bir qudasy - kásipker Rýstam Týrdiev ustaldy. Ol marqum qylmyskerdiń qyzynyń qaiyn atasy eken.
Aldyn ala málimet boiynsha, ekeýine de Qyrǵyzstan Respýblikasy Qylmystyq kodeksiniń 261-baby "Uiymdasqan top qurý nemese oǵan qatysý" boiynsha aiyp taǵylǵan.
Aita keteiik, Kamchybek Asanbek 4 qazanda Qyrǵyzstan astanasynda Ulttyq qaýipsizdik bas basqarmasynyń qyzmetkerleri júrgizgen arnaiy operatsiia kezinde qaza bolǵan. Kamchi Kolbaev - Qyrǵyzstandaǵy qylmys álemniń eń tanymal avtoriteti.
