Sýret: 24kg
Qyrǵyzstanda kólik toǵanǵa qulap, salondaǵy segiz balanyń altaýy sýǵa batyp ketti, dep habarlaidy "Ult aqparat" 24.kg basylymyna silteme jasap.
Oqiǵa keshe, 20 maýsym keshke Qara Balta aýyly mańynda bolǵan. Volkswagen Jetta júrgizýshisi kólikti basqara almai, joldan shyǵyp toǵanǵa qulaǵan.
Kólikte úsh eresek pen segiz bala bolǵan. Tórt pen toǵyz jas aralyǵyndaǵy alty bala sýǵa batyp ketti. Olardyń bári — bir otbasynyń músheleri.
Qara Baltanyń 40 jastaǵy turǵyny áieli jáne tórt balasymen birge № 3 toǵanǵa demalýǵa kelgen. Olardyń janynda er adamnyń ápkesi jáne onyń tórt balasy — bas-aiaǵy úsh eresek jáne segiz bala bolǵan.
Demalystan qaityp kele jatqanda júrgizýshi kólik rýline ie bola almai, sýǵa qulaidy. Kólik júrgizgen adam mas bolǵan.
Júrgizýshi, onyń áieli, úsh ailyq qyzy, er adamnyń ápkesi jáne onyń jeti jasar qyzy aman qaldy. Olar aýrýhanaǵa jetkizildi.
Sot-quqyqtyq saraptama taǵaiyndaldy. Tergeý aiasynda júrgizýshi ustaldy.
Shý oblysynyń ishki ister basqarmasy júrgizýshiniń balalardy «shomylýǵa bolmaidy» degen belgisi bar jerge ákelip, onymen qoimai mas bolyp kólikke otyrǵanyn, osy jaǵdai olardyń ólimine ákelgenin habarlady.
Er adam qamaýda otyr. Tergeý jalǵasýda.
