سۋرەت: 24kg
قىرعىزستاندا كٶلٸك توعانعا قۇلاپ, سالونداعى سەگٸز بالانىڭ التاۋى سۋعا باتىپ كەتتٸ, دەپ حابارلايدى "ۇلت اقپارات" 24.kg باسىلىمىنا سٸلتەمە جاساپ.
وقيعا كەشە, 20 ماۋسىم كەشكە قارا بالتا اۋىلى ماڭىندا بولعان. Volkswagen Jetta جٷرگٸزۋشٸسٸ كٶلٸكتٸ باسقارا الماي, جولدان شىعىپ توعانعا قۇلاعان.
كٶلٸكتە ٷش ەرەسەك پەن سەگٸز بالا بولعان. تٶرت پەن توعىز جاس ارالىعىنداعى التى بالا سۋعا باتىپ كەتتٸ. ولاردىڭ بەرٸ — بٸر وتباسىنىڭ مٷشەلەرٸ.
قارا بالتانىڭ 40 جاستاعى تۇرعىنى ەيەلٸ جەنە تٶرت بالاسىمەن بٸرگە № 3 توعانعا دەمالۋعا كەلگەن. ولاردىڭ جانىندا ەر ادامنىڭ ەپكەسٸ جەنە ونىڭ تٶرت بالاسى — باس-اياعى ٷش ەرەسەك جەنە سەگٸز بالا بولعان.
دەمالىستان قايتىپ كەلە جاتقاندا جٷرگٸزۋشٸ كٶلٸك رۋلٸنە يە بولا الماي, سۋعا قۇلايدى. كٶلٸك جٷرگٸزگەن ادام ماس بولعان.
جٷرگٸزۋشٸ, ونىڭ ەيەلٸ, ٷش ايلىق قىزى, ەر ادامنىڭ ەپكەسٸ جەنە ونىڭ جەتٸ جاسار قىزى امان قالدى. ولار اۋرۋحاناعا جەتكٸزٸلدٸ.
سوت-قۇقىقتىق ساراپتاما تاعايىندالدى. تەرگەۋ اياسىندا جٷرگٸزۋشٸ ۇستالدى.
شۋ وبلىسىنىڭ ٸشكٸ ٸستەر باسقارماسى جٷرگٸزۋشٸنٸڭ بالالاردى «شومىلۋعا بولمايدى» دەگەن بەلگٸسٸ بار جەرگە ەكەلٸپ, ونىمەن قويماي ماس بولىپ كٶلٸككە وتىرعانىن, وسى جاعداي ولاردىڭ ٶلٸمٸنە ەكەلگەنٸن حابارلادى.
ەر ادام قاماۋدا وتىر. تەرگەۋ جالعاسۋدا.
