Qyrǵyzstanda Ulttyq qaýipsizdik memlekettik komitetiniń (MUQK) qyzmetkerleri qylmys áleminiń avtoriteti Kamchy Kólbaevty (Qamshybek Asanbek) ustady, - dep habarlaidy Tengrinews.kz agenttigi 24.kg saityna silteme jasap.
16 qarashada Ystyqkól oblysy boiynsha arnaiy qyzmet departamentiniń qyzmetkerleri "vor v zakone" Qamshybek Asanbek pen onyń qasyndaǵy 10 adamdy ustaǵany naqtylandy. Olar qyrǵyz-qytai shekarasyna jaqyn mańda (Jeti-Oǵyz aýdany) ornalasqan "Býlat-M" ańshylyq alqabynan qaityp kele jatqan. Kúdiktiler "Qarasai" shekara beketinde ustaldy.
"Tekserý barysynda olar Qyrǵyz Respýblikasy memlekettik organdarynyń tiisti ruqsatynsyz shekaralyq aimaqta bolǵany anyqtaldy. Osyǵan bailanysty Q. Asanbek pen onyń sybailastaryna qatysty Qyrǵyzstan zańnamasyna sáikes ákimshilik qamaýǵa alý týraly tiisti hattamalar toltyryldy. Sondai-aq, tintý nátijesinde segiz atys qarýy (tórt "Saiga karabini jáne tórt "PM" jáne "Glok" tapanshasy) tabyldy", - delingen habarlamada.
Kamchy Kólbaev nemese "Kolia-Qyrǵyz" Qyrǵyzstandaǵy eń tanymal kriminal avtoritet sanalady. Ol – Ystyqkól oblysynyń týmasy.
2011 jyldyń maýsymynda Kólbaev AQSh-ta resmi túrde halyqaralyq esirtki biznesindegi negizgi tulǵalardyń biri retinde tanyldy.
