Qyrǵyzstanda ótken táýlikte koronavirýs juqqan 162 adam tirkelip, Bishkekte 2 naýqas qaitys boldy. Bul aqparatty densaýlyq saqtaý ministrligi málimetine súiengen Azattyqtyń Qyrǵyz qyzmeti habarlady. Bir kún buryn elde eki ese az naýqas tirkelgen.
Elde koronavirýs juqqandar 83 430 adamǵa jetken. 79 373-i jazylǵan. Qyrǵyzstanda pnevmoniiany qozdyratyn koronavirýs túri alǵash ret 2020 jyldyń naýryz aiynda anyqtalǵan. Sodan beri Covid-ten qaitys bolǵandar 1392 adamǵa jetti.
Seisenbi kúni Shý oblysynda (72) kóp naýqas tirkelgen. Bishkekte - 46, Ystyqkól oblysynda - 24, Osh qalasynda - 11, Batken oblysynda - 2, Naryn oblysynda - 2, Osh oblysynda - 2, Jalalabad oblysynda - 2, Talas oblysynda 1 adamnan koronavirýs anyqtalǵan.
Qazir aýrýhanada emdelip jatqan 726 naýqastyń 40-ynyń jaǵdaiy óte aýyr, 225-iniki - aýyr. 449 adamnyń jaǵdaiy ortasha.
Bir kún buryn Qyrǵyzstan biligi batys kompaniialary ázirlegen koronavirýsqa qarsy Pfizer vaktsinasynyń millionnan astam tegin dozasynan bas tartqan. Bilik olardy saqtaityn tońazytqyshty satyp alý úshin 2 mln dollar qarajat tappaǵanyn málimdegen.
Seisenbi kúni Qyrǵyzstan kórshisi Ózbekstan Dúniejúzilik densaýlyq saqtaý uiymy alǵashqylardyń biri bolyp maquldaǵan Pfizer-diń jaqyn arada 100 myń dozasyn alatynyn málimdegen. Ortalyq Aziia aimaǵynda halqy eń kóp memlekette keiingi kezde bir kúnde ondaǵan naýqas tirkelip júr. Naýryz aiynan beri 78 myńnan astam adamnan koronavirýs anyqtalǵan. 600-den astam adam qaitys bolǵan.
