19 maýsymda tańerteń Qyrǵyzstanda koronavirýsqa shaldyqqan 870 adam tirkeldi. Sanaqqa Covid diagnozy rastalmaǵan pnevmoniiamen aýyrǵandar da kiredi. Bul jóninde eldiń densaýlyq saqtaý jáne áleýmettik damý ministrligi habarlady.
Qyrǵyzstanda mundai kórsetkish sońǵy ret byltyr shilde aiynda tirkelgen. Koronavirýs indeti qatty órshigen bul kezeńdi jergilikti halyq "qaraly shilde" dep atap ketken. 2020 jylǵy 25 shildede Qyrǵyzstanda bir táýlikte koronavirýs juqtyrǵan 877 adam tirkelgen edi.
Elde bul virýsty juqtyrǵandardyń jalpy sany 114 myń adamnan asty, 1 925 adam osy dertten kóz jumdy.
Maýsymnyń basynan beri Qyrǵyzstanda koronavirýs juqtyrǵandar qaita kóbeidi. Densaýlyq ministrligi Covid-tiń "úshinshi tolqyny" bastalǵanyn habarlasa, Bishkek jáne Osh qalalarynyń basshylyǵy oiyn-saýyq jáne qoǵamdyq tamaqtaný oryndarynda qaita shekteý engizdi. Koronavirýs indeti booiynsha respýblikalyq operativti shtab indet órship turǵan Bishkek, Osh qalalaryna, Shý jáne Osh oblystaryna barmaýǵa shaqyrdy.
