Qyrǵyzstannyń Jalal-Abad oblysynyń Sozaq aýdanynda 2 mamyr kúni saǵat 13:30 shamasynda balmuzdaq tiegen shaǵyn júk kóligi 29 balany qaǵyp ketti, dep habarlady Kabar agenttigi.
Qyrǵyzstan Densaýlyq saqtaý ministrligi zardap shekken balalardyń 9 ben 16 jas aralyǵynda ekenin málimdedi. Qazirgi ýaqytta 7 bala oblystyq aýrýhanada jatyr, úsheýiniń jaǵdaiy aýyr.
Sozaq aýdandyq aýrýhanasynda 3 bala bolsa, ortalyq aýrýhanada 8 bala jatyr. Olardyń jaǵdaiy ortasha aýyr dep baǵalandy.
Oqiǵa ornynda 11 balaǵa meditsinalyq kómek kórsetilip, ambýlatorlyq emdeýge jiberildi.
Qyrǵyz Respýblikasynyń Densaýlyq saqtaý ministri Alymqadyr Beishenaliev zardap shekkenderge kómek kórsetý máselesin jeke baqylaýyna alyp, olarǵa sapaly meditsinalyq kómek kórsetýdi, dári-dármekpen qamtamasyz etýdi tapsyrdy.
