قىرعىزستاننىڭ جالال-اباد وبلىسىنىڭ سوزاق اۋدانىندا 2 مامىر كٷنٸ ساعات 13:30 شاماسىندا بالمۇزداق تيەگەن شاعىن جٷك كٶلٸگٸ 29 بالانى قاعىپ كەتتٸ, دەپ حابارلادى كابار اگەنتتٸگٸ.
قىرعىزستان دەنساۋلىق ساقتاۋ مينيسترلٸگٸ زارداپ شەككەن بالالاردىڭ 9 بەن 16 جاس ارالىعىندا ەكەنٸن مەلٸمدەدٸ. قازٸرگٸ ۋاقىتتا 7 بالا وبلىستىق اۋرۋحانادا جاتىر, ٷشەۋٸنٸڭ جاعدايى اۋىر.
سوزاق اۋداندىق اۋرۋحاناسىندا 3 بالا بولسا, ورتالىق اۋرۋحانادا 8 بالا جاتىر. ولاردىڭ جاعدايى ورتاشا اۋىر دەپ باعالاندى.
وقيعا ورنىندا 11 بالاعا مەديتسينالىق كٶمەك كٶرسەتٸلٸپ, امبۋلاتورلىق ەمدەۋگە جٸبەرٸلدٸ.
قىرعىز رەسپۋبليكاسىنىڭ دەنساۋلىق ساقتاۋ مينيسترٸ الىمقادىر بەيشەناليەۆ زارداپ شەككەندەرگە كٶمەك كٶرسەتۋ مەسەلەسٸن جەكە باقىلاۋىنا الىپ, ولارعا ساپالى مەديتسينالىق كٶمەك كٶرسەتۋدٸ, دەرٸ-دەرمەكپەن قامتاماسىز ەتۋدٸ تاپسىردى.
