Foto: video kadry
Qyrǵyzstannyń Sozaq aýdanyndaǵy oqýshylardy qaǵyp ketken júk kóliginiń júrgizýshisi ustaldy. Bul týraly eldiń IIM habarlady, dep jazady Kabar agenttigi.
Vedomstvo basshysynyń orynbasary Oktiabr Ýrmanbetov oqiǵa bolǵan aimaqqa kelip, jaǵdaidy óz baqylaýyna aldy.
Bul is Ulttyq qaýipsizdik memlekettik komitetiniń basshysy Qamshybek Tashievtiń de baqylaýynda.
Densaýlyq saqtaý ministrliginiń habarlaýynsha, zardap shekkender sany 25-ten 32 balaǵa deiin ósti.
Aýrýhanadaǵy 9 balanyń tórteýi jansaqtaý bóliminde jatyr, olardyń jaǵdaiy aýyr. Aýrýhana meńgerýshisi Qypshaqbai Toqtarbaevtyń jýrnalisterge habarlaýynsha, zardap shekkenderdiń ekeýinde bas-mi jaraqaty, bireýinde ashyq bas súiek-mi jaraqaty, bas súieginiń túbiniń synýy, al bireýinde qabyrǵa asty súieginiń ekstrýziialanǵan synyǵy bar. Kókbaýyr jarylǵan eki balaǵa ota jasaldy.
Esterińizge sala keteiik, buǵan deiin Qyrǵyzstanda balmuzdaq tiegen júk kóligi 29 balany qaǵyp, olardyń 7-eýi jansaqtaý bólimine jetkizilgenin habarlaǵan bolatynbyz.
.jpg)