فوتو: ۆيدەو كادرى
قىرعىزستاننىڭ سوزاق اۋدانىنداعى وقۋشىلاردى قاعىپ كەتكەن جٷك كٶلٸگٸنٸڭ جٷرگٸزۋشٸسٸ ۇستالدى. بۇل تۋرالى ەلدٸڭ ٸٸم حابارلادى, دەپ جازادى كابار اگەنتتٸگٸ.
ۆەدومستۆو باسشىسىنىڭ ورىنباسارى وكتيابر ۋرمانبەتوۆ وقيعا بولعان ايماققا كەلٸپ, جاعدايدى ٶز باقىلاۋىنا الدى.
بۇل ٸس ۇلتتىق قاۋٸپسٸزدٸك مەملەكەتتٸك كوميتەتٸنٸڭ باسشىسى قامشىبەك تاشيەۆتٸڭ دە باقىلاۋىندا.
دەنساۋلىق ساقتاۋ مينيسترلٸگٸنٸڭ حابارلاۋىنشا, زارداپ شەككەندەر سانى 25-تەن 32 بالاعا دەيٸن ٶستٸ.
اۋرۋحاناداعى 9 بالانىڭ تٶرتەۋٸ جانساقتاۋ بٶلٸمٸندە جاتىر, ولاردىڭ جاعدايى اۋىر. اۋرۋحانا مەڭگەرۋشٸسٸ قىپشاقباي توقتارباەۆتىڭ جۋرناليستەرگە حابارلاۋىنشا, زارداپ شەككەندەردٸڭ ەكەۋٸندە باس-مي جاراقاتى, بٸرەۋٸندە اشىق باس سٷيەك-مي جاراقاتى, باس سٷيەگٸنٸڭ تٷبٸنٸڭ سىنۋى, ال بٸرەۋٸندە قابىرعا استى سٷيەگٸنٸڭ ەكسترۋزييالانعان سىنىعى بار. كٶكباۋىر جارىلعان ەكٸ بالاعا وتا جاسالدى.
ەستەرٸڭٸزگە سالا كەتەيٸك, بۇعان دەيٸن قىرعىزستاندا بالمۇزداق تيەگەن جٷك كٶلٸگٸ 29 بالانى قاعىپ, ولاردىڭ 7-ەۋٸ جانساقتاۋ بٶلٸمٸنە جەتكٸزٸلگەنٸن حابارلاعان بولاتىنبىز.
.jpg)