Qyrǵyzstanda 27 jastaǵy qyzdy urlaý jáne óltirý isi boiynsha ishki ister organdarynyń 43 qyzmetkeri jaýapqa tartyldy, dep habarlaidy "Ult aqparat" «Kabar» agenttigine silteme jasap.
Qyrǵyzstan Ishki ister ministrliginiń baspasóz qyzmetinen málim etkendei, ministrlik osy iske jaýapty tulǵalarǵa óz qyzmettik mindetterin tiisti oryndamaǵany úshin túbegeili sharalar qoldanady.
Vedomstvo dereginshe, qaiǵyly oqiǵaǵa bailanysty Bishkek qalasy Pervomai aýdandyq ishki ister bólimi, Bishkek qalasynyń jáne Shý oblysynyń ishki ister basqarlamalarynyń qyzmetkerlerine qatysty qyzmettik tekserý taǵaiyndalǵan.
«IIM-niń Ishki tergeý qyzmeti bolǵan oqiǵa jáne militsiia qyzmetkerleriniń, bólim bastyqtarynyń áreketteri boiynsha tolyq jáne obektivti tekseris júrgizdi. Nátijesinde olardyń qyzmettik áreketterine baǵa berilip, 2021 jyldyń 9 sáýirinde IIM-niń buiryǵy shyqty», - dep jazady «Kabar».
Jalpy, atalǵan is boiynsha ishki ister organdarynyń 43 qyzmetkeri jazalandy. Jalpy, atalǵan is boiynsha ishki ister organdarynyń 43 qyzmetkeri jazalandy. Laýazymynan bosatylǵandar arasynda Bishkek qalalyq ishki ister basqarmasynyń bastyǵy B.Matmýsaev, onyń orynbasary E.Atantaev, Bishkek qalalyq ishki ister basqarmasy Tergeý qyzmetiniń bastyǵy N.Ýtemisov bar.
Eske salaiyq, 5 sáýir kúni 3 er adam 27 jastaǵy Aizada Qanatbekovany alyp qashty. Qyrǵyzstannyń QK-niń 175-baby (Adamdy nekege otyrǵyzý maqsatymen urlaý) boiynsha is qozǵaldy. 7 sáýirde Aizadanyń múrdesi Arashan jáne Chokmorov aýyldarynyń arasynda, «Honda» avtokóliginde tabyldy. Aldyn ala derek boiynsha, qyzdy urlaǵan azamat ony býyndyryp óltirgen. Artynsha óziniń moinyna pyshaq suǵyp, sýitsid jasaǵan.
8 sáýirde Bishkekte Qyrǵyzstannyń IIM jáne Bishkek QIIB basshylarynyń otstavkaǵa ketýin talap etken miting ótti.
Jaǵdai boiynsha Qyrǵyzstan prezidenti Sadyr Japarov málimdeme jasap, bul isti óz baqylaýyna aldy.
