Qazaqstan men Resei qazaq-orys shekarasynda qalyp qalǵan qyrǵyz azamattaryn eline qaitarý máselesin talqylap jatyr. Bul týraly Azattyqtyń Qyrǵyz qyzmeti habarlady.
Qyrǵyzstannyń syrtqy ister ministrliginiń málimetine qaraǵanda, ministrliktiń baspasóz qyzmeti koronavirýs indetine bailanysty shekaralar jabyq ekenin eskertip, Reseidegi qyrǵyzdardy jolǵa shyqpaýǵa shaqyrǵan.
Azattyqtyń Qyrǵyz qyzmetiniń habarlaýynsha, Reseidiń Samara oblysyndaǵy qazaq-orys shekarasynda birneshe aptadan beri 70 shaqty qyrǵyz azamaty shekaradan óte almai, dalada túnep jatyr. Olar Máskeýden avtobýs jaldap, jolǵa shyǵyp, shekaradan óte almai qalǵan.
Resmi málimet boiynsha, pandemiia bastalǵan aqpan aiynan beri syrtta júrgen 15 myń qyrǵyz azamaty eline jetkizilgen. Olardyń basym bóligi Reseide turǵan. Buǵan deiin orys-qazaq shekarasyndaǵy óte almai qalǵan qyrǵyzstandyqtar eki ret avtobýspenen Qazaqstan arqyly Bishkekke ótken.
