قازاقستان مەن رەسەي قازاق-ورىس شەكاراسىندا قالىپ قالعان قىرعىز ازاماتتارىن ەلٸنە قايتارۋ مەسەلەسٸن تالقىلاپ جاتىر. بۇل تۋرالى ازاتتىقتىڭ قىرعىز قىزمەتٸ حابارلادى.
قىرعىزستاننىڭ سىرتقى ٸستەر مينيسترلٸگٸنٸڭ مەلٸمەتٸنە قاراعاندا, مينيسترلٸكتٸڭ باسپاسٶز قىزمەتٸ كوروناۆيرۋس ٸندەتٸنە بايلانىستى شەكارالار جابىق ەكەنٸن ەسكەرتٸپ, رەسەيدەگٸ قىرعىزداردى جولعا شىقپاۋعا شاقىرعان.
ازاتتىقتىڭ قىرعىز قىزمەتٸنٸڭ حابارلاۋىنشا, رەسەيدٸڭ سامارا وبلىسىنداعى قازاق-ورىس شەكاراسىندا بٸرنەشە اپتادان بەرٸ 70 شاقتى قىرعىز ازاماتى شەكارادان ٶتە الماي, دالادا تٷنەپ جاتىر. ولار مەسكەۋدەن اۆتوبۋس جالداپ, جولعا شىعىپ, شەكارادان ٶتە الماي قالعان.
رەسمي مەلٸمەت بويىنشا, پاندەمييا باستالعان اقپان ايىنان بەرٸ سىرتتا جٷرگەن 15 مىڭ قىرعىز ازاماتى ەلٸنە جەتكٸزٸلگەن. ولاردىڭ باسىم بٶلٸگٸ رەسەيدە تۇرعان. بۇعان دەيٸن ورىس-قازاق شەكاراسىنداعى ٶتە الماي قالعان قىرعىزستاندىقتار ەكٸ رەت اۆتوبۋسپەنەن قازاقستان ارقىلى بٸشكەككە ٶتكەن.
