Qyrǵyzstan prezidentiniń mindetin atqarýshy Talant Mamytov koronavirýspen kúres kezinde kómek kórsetkeni úshin Qazaqstan basshysyna alǵys aitty, dep habarlaidy Sputnik Qazaqstan.
Ujymdyq qaýipsizdik shart uiymy qaýipsizdik keńesiniń sessiiasynda Mamytov eldegi jaǵdai jaiynda baiandady. Sondai-aq, Qyrǵyzstanǵa qoldaý jasaǵan memleketterge rizashylyǵyn jetkizdi.
"Osy sátti paidalanyp, Resei Federatsiiasynyń prezidenti Vladimir Vladimirovich Pýtinge, Qazaqstan Respýblikasynyń prezidenti Qasym-Jomart Kemeluly Toqaevqa jáne basqa da áriptesterimizge Qyrǵyz Respýblikasyna koronavirýs infektsiiasynyń saldarymen kúresý jolynda qoldaý jasaǵany úshin shyn júrekten alǵys aitamyn. Aýyr synaqty tek birlesip eńserýge bolady", - dedi Mamytov.
Onyń aitýynsha, qazirgi kezde Qyrǵyzstandaǵy saiasi-qoǵamdyq jaǵdai turaqtalǵan.
"Qyrǵyz Respýblikasy barlyq halyqaralyq mindetin saqtap, buǵan deiin qol qoiǵan ekijaqty jáne kópjaqty kelisimderdi oryndaidy. Memlekettik bilik organdary shtattyq rejimde jumysyn jalǵastyryp jatyr. 2021 jyly 10 qańtarda Qyrǵyzstan prezidentiniń sailaýy ótedi. Bilik organdary ádil ári ashyq sailaý ótkizýge kúsh salady", - dep atap ótti Mamytov.
Aita keteiik, buǵan deiin Qazaqstannan jasandy tynys aldyrý mobildi apparattarynyń 400 jinaǵy men 2 million meditsinalyq maska jóneltilgen bolatyn. Gýmanitarlyq júktiń jalpy quny 390 million teńgege jýyqtaidy.
