قىرعىزستان پرەزيدەنتٸنٸڭ مٸندەتٸن اتقارۋشى تالانت مامىتوۆ كوروناۆيرۋسپەن كٷرەس كەزٸندە كٶمەك كٶرسەتكەنٸ ٷشٸن قازاقستان باسشىسىنا العىس ايتتى, دەپ حابارلايدى Sputnik قازاقستان.
ۇجىمدىق قاۋٸپسٸزدٸك شارت ۇيىمى قاۋٸپسٸزدٸك كەڭەسٸنٸڭ سەسسيياسىندا مامىتوۆ ەلدەگٸ جاعداي جايىندا باياندادى. سونداي-اق, قىرعىزستانعا قولداۋ جاساعان مەملەكەتتەرگە ريزاشىلىعىن جەتكٸزدٸ.
"وسى سەتتٸ پايدالانىپ, رەسەي فەدەراتسيياسىنىڭ پرەزيدەنتٸ ۆلاديمير ۆلاديميروۆيچ پۋتينگە, قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆقا جەنە باسقا دا ەرٸپتەستەرٸمٸزگە قىرعىز رەسپۋبليكاسىنا كوروناۆيرۋس ينفەكتسيياسىنىڭ سالدارىمەن كٷرەسۋ جولىندا قولداۋ جاساعانى ٷشٸن شىن جٷرەكتەن العىس ايتامىن. اۋىر سىناقتى تەك بٸرلەسٸپ ەڭسەرۋگە بولادى", - دەدٸ مامىتوۆ.
ونىڭ ايتۋىنشا, قازٸرگٸ كەزدە قىرعىزستانداعى ساياسي-قوعامدىق جاعداي تۇراقتالعان.
"قىرعىز رەسپۋبليكاسى بارلىق حالىقارالىق مٸندەتٸن ساقتاپ, بۇعان دەيٸن قول قويعان ەكٸجاقتى جەنە كٶپجاقتى كەلٸسٸمدەردٸ ورىندايدى. مەملەكەتتٸك بيلٸك ورگاندارى شتاتتىق رەجيمدە جۇمىسىن جالعاستىرىپ جاتىر. 2021 جىلى 10 قاڭتاردا قىرعىزستان پرەزيدەنتٸنٸڭ سايلاۋى ٶتەدٸ. بيلٸك ورگاندارى ەدٸل ەرٸ اشىق سايلاۋ ٶتكٸزۋگە كٷش سالادى", - دەپ اتاپ ٶتتٸ مامىتوۆ.
ايتا كەتەيٸك, بۇعان دەيٸن قازاقستاننان جاساندى تىنىس الدىرۋ موبيلدٸ اپپاراتتارىنىڭ 400 جيناعى مەن 2 ميلليون مەديتسينالىق ماسكا جٶنەلتٸلگەن بولاتىن. گۋمانيتارلىق جٷكتٸڭ جالپى قۇنى 390 ميلليون تەڭگەگە جۋىقتايدى.
