Qyrǵyzstan Prezidenti Sooronbai Jeenbekov erteń, 6 qazan kúni parlamenttik sailaýǵa qatysqan partiia kóshbasshylarymen kezdesedi. Bul týraly Qyrǵyz prezidenti apparatynyń aqparattyq saiasat bóliminen málim etti, dep habarlaidy Kabar agenttigi.
Saǵat 09.00-ge josparlanǵan kezdesýge 16 partiianyń liderleri shaqyrylatyn bolady.
Eske salaiyq, jeksenbi, 4 qazan kúni Qyrǵyzstanda Jogorký Keneshke depýtattardy sailaý ótti. Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynshy, 7% mejeni 4 partiia eńserdi.
Al, búgin, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, odan keiin Aq úige bettedi. Olardy tarqatý úshin militsiia kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boiynsha, aýrýhanaǵa zardap shekken 16 adam jetkizilgen.
Eldiń Ishki ister ministrligi mitingti uiymdastyrýshylar men partiia basshylaryn óz jaqtastaryn úilerine qaitarýǵa shaqyrdy.
Aita keteiik, eldiń Ortalyq sailaý komissiiasy daýys berýdiń sońǵy nátijesin sailaýdan keiin 20 kúnnen keshiktirmei jariialaýy tiis.
