Qyrǵyzstan Prezidenti Soorobai Jeenbekov eldegi jaǵdaidy baqylaýda ustap otyr. Bul týraly memleket basshysynyń baspasóz hatshysy Tolǵanai Stamalieva málim etti, dep habarlaidy "Ult aqparat" Qyrǵyzstannyń Kabar agenttigine silteme jasap.
Qyrǵyz Respýblikasynyń prezidenti Sooronbai Jeenbekov jaǵdaidy qadaǵalap, barlyq saiasi kúshterdiń el múddesin óz múddesinen joǵary qoiyp, qoǵamnyń jikke bólinýine, el azamattaryn alańdatatyn basqa da máselelerdiń bolýyna jol bermeitinine senim bildirdi.
Ol eldi zań aiasyndaǵy ómirge qaitarý úshin bar kúshin salyp otyr. Birinshi kezekte, bul aldyńǵy kúnderi elde ótken parlamenttik sailaý qorytyndylaryna qatysty.
Qyrǵyz eliniń basshysy qalyptasqan jaǵdaidy esepke ala otyryp, eldiń Ortalyq sailaý komissiiasyna zańbuzýshylyqtarmen bailanysty materialdardyń barlyǵyn jan-jaqty zertteýge keńes berdi.
Bul rette ol Parlament sailaýynyń nátijelerin joqqa shyǵarýǵa bolatynyn da jetkizdi.
Ókinishke qarai, qyrǵyzstandyqtar buǵan deiin eki halyq kóterilisin bastan ótkizgen jáne beibit ómir men turaqtylyqtyń qunyn biledi. Sondyqtan Prezident Sooronbai Jeenbekov aldaǵy ýaqytta elde beibitshilik saltanat qurýy úshin bar kúshin salatyn bolady.
Memleket basshysy eldiń barlyq saiasi kúshterin Qyrǵyzstan jáne onyń azamattaryn aqylǵa kelýge shaqyryp otyr. Qazirgi kezde prezident Bishkek qalasynda júr.
