قىرعىزستان پرەزيدەنتٸ سووروباي جەەنبەكوۆ ەلدەگٸ جاعدايدى باقىلاۋدا ۇستاپ وتىر. بۇل تۋرالى مەملەكەت باسشىسىنىڭ باسپاسٶز حاتشىسى تولعاناي ستاماليەۆا مەلٸم ەتتٸ, دەپ حابارلايدى "ۇلت اقپارات" قىرعىزستاننىڭ كابار اگەنتتٸگٸنە سٸلتەمە جاساپ.
قىرعىز رەسپۋبليكاسىنىڭ پرەزيدەنتٸ سوورونباي جەەنبەكوۆ جاعدايدى قاداعالاپ, بارلىق ساياسي كٷشتەردٸڭ ەل مٷددەسٸن ٶز مٷددەسٸنەن جوعارى قويىپ, قوعامنىڭ جٸككە بٶلٸنۋٸنە, ەل ازاماتتارىن الاڭداتاتىن باسقا دا مەسەلەلەردٸڭ بولۋىنا جول بەرمەيتٸنٸنە سەنٸم بٸلدٸردٸ.
ول ەلدٸ زاڭ اياسىنداعى ٶمٸرگە قايتارۋ ٷشٸن بار كٷشٸن سالىپ وتىر. بٸرٸنشٸ كەزەكتە, بۇل الدىڭعى كٷندەرٸ ەلدە ٶتكەن پارلامەنتتٸك سايلاۋ قورىتىندىلارىنا قاتىستى.
قىرعىز ەلٸنٸڭ باسشىسى قالىپتاسقان جاعدايدى ەسەپكە الا وتىرىپ, ەلدٸڭ ورتالىق سايلاۋ كوميسسيياسىنا زاڭبۇزۋشىلىقتارمەن بايلانىستى ماتەريالداردىڭ بارلىعىن جان-جاقتى زەرتتەۋگە كەڭەس بەردٸ.
بۇل رەتتە ول پارلامەنت سايلاۋىنىڭ نەتيجەلەرٸن جوققا شىعارۋعا بولاتىنىن دا جەتكٸزدٸ.
ٶكٸنٸشكە قاراي, قىرعىزستاندىقتار بۇعان دەيٸن ەكٸ حالىق كٶتەرٸلٸسٸن باستان ٶتكٸزگەن جەنە بەيبٸت ٶمٸر مەن تۇراقتىلىقتىڭ قۇنىن بٸلەدٸ. سوندىقتان پرەزيدەنت سوورونباي جەەنبەكوۆ الداعى ۋاقىتتا ەلدە بەيبٸتشٸلٸك سالتانات قۇرۋى ٷشٸن بار كٷشٸن سالاتىن بولادى.
مەملەكەت باسشىسى ەلدٸڭ بارلىق ساياسي كٷشتەرٸن قىرعىزستان جەنە ونىڭ ازاماتتارىن اقىلعا كەلۋگە شاقىرىپ وتىر. قازٸرگٸ كەزدە پرەزيدەنت بٸشكەك قالاسىندا جٷر.
