Memlekettik qyzmetke ornalastyrý úshin tulǵadan para bopsalaǵany úshin Qyrǵyzstan respýblikasy Prezidenti apparatynyń aqparattyq saiasat bóliminiń meńgerýshisi Nurǵazy Anarqulov ustaldy, dep habarlaidy "Ult aqparat" Kabar agenttigine silteme jasap.
Qyrǵyzstan Memlekettik ulttyq qaýipsizdik komiteti Sybailas jemqorlyqqa qarsy qyzmetinen habarlaǵandai, Qyrǵyzstan prezidenti baspasóz qyzmetiniń basshysy qyzmettik ókildigin teris paidalanyp, jeke materialdyq baiý maqsatyn kózdep, memlekettik basqarýshy qyzmetterdiń birine úmitker tulǵadan asa iri kólemdegi aqshalai qarajatty bopsalaǵan.
Atalǵan fakti boiynsha MUQK Bas tergeý basqarmasy Qyrǵyzstan Respýblikasy Qylmystyq kodeksiniń 326-babymen (para alýǵa bopsalaý) qarastyrylǵan qylmysbelgileri boiynsha sot aldyndaǵy tergeý amaldaryn bastady.
«2021 jyldyń 30 qańtarynda ótkizilip jatqan jedel-tergeý is-sharalarynyń aiasynda azamat A.N.S. ustalyp, QR MUQK Bas tergeý basqarmasyna jetkizildi», - delingen habarlamada.
