مەملەكەتتٸك قىزمەتكە ورنالاستىرۋ ٷشٸن تۇلعادان پارا بوپسالاعانى ٷشٸن قىرعىزستان رەسپۋبليكاسى پرەزيدەنتٸ اپپاراتىنىڭ اقپاراتتىق ساياسات بٶلٸمٸنٸڭ مەڭگەرۋشٸسٸ نۇرعازى انارقۇلوۆ ۇستالدى, دەپ حابارلايدى "ۇلت اقپارات" كابار اگەنتتٸگٸنە سٸلتەمە جاساپ.
قىرعىزستان مەملەكەتتٸك ۇلتتىق قاۋٸپسٸزدٸك كوميتەتٸ سىبايلاس جەمقورلىققا قارسى قىزمەتٸنەن حابارلاعانداي, قىرعىزستان پرەزيدەنتٸ باسپاسٶز قىزمەتٸنٸڭ باسشىسى قىزمەتتٸك ٶكٸلدٸگٸن تەرٸس پايدالانىپ, جەكە ماتەريالدىق بايۋ ماقساتىن كٶزدەپ, مەملەكەتتٸك باسقارۋشى قىزمەتتەردٸڭ بٸرٸنە ٷمٸتكەر تۇلعادان اسا ٸرٸ كٶلەمدەگٸ اقشالاي قاراجاتتى بوپسالاعان.
اتالعان فاكتٸ بويىنشا مۇقك باس تەرگەۋ باسقارماسى قىرعىزستان رەسپۋبليكاسى قىلمىستىق كودەكسٸنٸڭ 326-بابىمەن (پارا الۋعا بوپسالاۋ) قاراستىرىلعان قىلمىسبەلگٸلەرٸ بويىنشا سوت الدىنداعى تەرگەۋ امالدارىن باستادى.
«2021 جىلدىڭ 30 قاڭتارىندا ٶتكٸزٸلٸپ جاتقان جەدەل-تەرگەۋ ٸس-شارالارىنىڭ اياسىندا ازامات ا.ن.س. ۇستالىپ, قر مۇقك باس تەرگەۋ باسقارماسىنا جەتكٸزٸلدٸ», - دەلٸنگەن حابارلامادا.
