Qyrǵyz Respýblikasynyń Prezidenti Sooronbai Jeenbekov Ortalyq Aziia elderi basshylarynyń jumys (konsýltativtik) kezdesýine qatysý úshin Astanaǵa keldi, dep habarlaidy QazAqparat.
Mártebeli meimandy elorda áýejaiynan QR Premer-Ministriniń orynbasary Asqar Jumǵaliev qarsy aldy.
Aita keteiik, búgin elordada Ortalyq Aziia elderi, sonyń ishinde Qazaqstan Respýblikasy, Qyrǵyz Respýblikasy, Tájikstan Respýblikasy, Túrikmenstan jáne Ózbekstan Respýblikasy basshylarynyń jumys (konsýltativtik) kezdesýi ótedi. Túrikmenstanda joǵary deńgeidegi is-sharalardyń aldyn ala josparlanýyna bailanysty bul elden atalǵan jiynǵa Medjlis tóraiymy A.T.Nýrberdyeva hanym qatysady.
Bul besjaqty kelissózderdiń Ortalyq Aziianyń barlyq eli úshin ortaq mereke - Naýryz meiramy qarsańynda ótýiniń mańyzy zor.
