© Photo : MVD Kyrgyzstana
Bizdiń Qazaqstanmen yntymaqtastyǵymyzdyń tereń tarihy bar jáne mundai sátterde bir-birimizge qoldaý kórsetý mańyzdy, dep atap ótti Qyrǵyzstannyń Ishki ister ministrligi.
Qyrǵyzstannyń Ishki ister ministrligi sý tasqyny zardaptarymen betpe-bet kelgen qazaqstandyq áriptesterine 50 tonnadan astam gýmanitarlyq kómek jiberdi.
Vedomstvo bul bastama daǵdarys kezinde eki el arasyndaǵy yntymaqtastyqty qoldaýdyń bir bóligi bolǵanyn atap ótti.
"Qazaqstandaǵy sý tasqyny kóptegen oblysqa aýyr zardap ákeldi. Qyrǵyz Respýblikasynyń Ishki ister ministrligi qiyn jaǵdaiǵa jaýap retinde birinshi kezektegi qajetti zattar túrinde kómek kórsetý týraly sheshim qabyldady", - delingen habarlamada.
Gýmanitarlyq kómekke dári-dármek, rezeńke etik, dizeldik jáne elektr generatorlary, úrlemeli qaiyqtar, shatyrlar, matratstar, azyq-túlik, kórpe, jastyq, tósek-oryn jabdyqtary kiredi.
"Bizdiń Qazaqstanmen yntymaqtastyǵymyzdyń tereń tarihy bar jáne osyndai sátterde bir-birimizge qoldaý kórsetý mańyzdy. Biz bul gýmanitarlyq kómek tabiǵi apattyń zardaptarymen kúresip jatqandarǵa jeńildik ákelip, zardap shekken aimaqtardy qalpyna keltirýge kómektesedi dep úmittenemiz", - dep tolyqtyrdy Qyrǵyzstannyń Ishki ister ministrligi.
