Qazaqstan prezidenti Nursultan Nazarbaev (oń jaqta) pen Qyrǵyz respýblikasynyń prezidenttigine kandidat Ómirbek Babanov. Almaty, 19 qyrkúiek 2017 jyl. Qazaqstan prezidentiniń resmi saityndaǵy sýret.
Qyrǵyzstan Ortalyq sailaý komissiiasy prezidenttikke kandidat Ómirbek Babanovtyń Qazaqstan prezidenti Nursultan Nazarbaevpen kezdeskeni boiynsha shaǵymdy qanaǵattandyrýdan bas tartty. Bul týraly OSK baspasóz qyzmetine silteme jasaǵan Azattyqtyń Qyrǵyz redaktsiiasy habarlady.
Komissiianyń habarlaýynsha, talqylaý kezinde Babanov óziniń úgit-nasihat materialdarynda kezdesýden túsirilgen sýretterin paidalanbaǵany, sondyqtan zań buzbaǵany aitylǵan. Biraq OSK-niń keibir músheleri BAQ-taǵy habarlar áldeqaida keńinen taralatyndyqtan "kandidat ol týraly habardar bolyp túsinýi tiis" degen pikirde.
Biraq shaǵymdanýshy, qoǵam qairatkeri Týrsýnbek Akýn shaǵymdy ýaqytynan keshiktirip bergendikten ony qanaǵattandyrýdan bas tartylǵan.
OSK sonymen qatar kandidattardy úgit-nasihat kampaniialarynda shet memleketterdiń memleket jáne saiasi qairatkerlerin paidalanýǵa bolmaitynyn, olai bolǵan jaǵdaida jazbasha eskertý jasalyp, kandidattyq tirkeýinen aiyrylatynyn eskertedi.
19 qyrkúiekte Qazaqstan prezidentiniń resmi saity Nazarbaevtyń "Respýblika - Ata-Jurt" fraktsiiasynyń basshysy Ómirbek Babanovpen kezdeskeni týraly aqparat jariialaǵan. Kezdesý Almaty qalasynda ótkeni habarlanǵan. Biraq kezdesýdiń qashan ótkeni kórsetilmegen.
Kelesi kúni Qyrǵyzstan syrtqy ister ministrligi Qazaqstanǵa narazylyq notasyn joldaǵan. Resmi Bishkek muny "Qazaqstannyń Qyrǵyzstannyń ishki isine aralasýǵa tyrysýy" dep baǵalaǵan.
