Berdibek Saparbaev Qyrǵyzstan Premer-Ministrimen kezdesip, Jambyl oblysyn sýarmaly sýmen qamtamasyz etý máselelerin talqylady, dep habarlaidy "Ult aqparat" oblys ákiminiń baspasóz qyzmetine silteme jasap.
30 naýryzda Bishkekte Jambyl oblysynyń ákimi Berdibek Saparbaev Qyrǵyz Respýblikasynyń Premer-ministri Muhammed Ábilǵazievpen kezdesti.
Qazaqstan tarapynan kelissózge ekologiia, geologiia jáne tabiǵi resýrstar vitse-ministri Sergei Gromov jáne Tótenshe jáne Ókiletti Elshi Qairat Nurpeiisov, Qyrǵyzstannyń sý resýrstary jónindegi memlekettik agenttiktiń direktory Kókimbek Tashtanaliev jáne Ulttyq Energoholding basqarmasynyń tóraǵasy Aitmamat Nazarov qatysty.
Kezdesý barysynda Berdibek Saparbaev jan-jaqty ekonomikalyq kooperatsiianyń, tranzittik-kólik, sý-energetika jáne investitsiialyq salalardaǵy máselelerdi birlesip sheshýdiń mańyzyn atap ótti. Ol Jambyl oblysynyń aýyl sharýashylyǵy klasterin damytý Qyrǵyzstannyń keletin Shý men Talas ózenderiniń sýyna bailanysty ekenin jáne Qazaqstan bul máselede qoldaý kútetinin jetkizdi.
Sondai-aq, kezdesýde Kúrkireý ózeniniń memleketaralyq sý paidalaný nysandarynyń tizimine enbegen úsh kanalynyń máselelerine kóńil bólindi. 15 jyl boiy osy ózenniń bul arnalary arqyly Qazaqstanǵa sý túspegen.
Kezdesý qorytyndysy boiynsha, Qyrǵyz tarapy bekitilgen keste men josparǵa sáikes, vegetatsiialyq kezeńde Jambyl oblysyna sýarmaly sýdyń jetkilikti kólemin túsirý úshin kómek kórsetýge daiyn ekenin bildirdi.
Qyrǵyzstannyń Premer-Ministri Muhammedqali Ábilǵaziev qaralǵan máselelerdi sheshý, onyń ishinde sý jetkizý kestesin saqtaý, Kúrkireý ózenin Memleketaralyq sý paidalaný nysandarynyń tizimine engizý jóninde jaýapty tulǵalarǵa birqatar tapsyrmalar berdi.
