Qyrǵyzstan men Tájikstan shekaradaǵy qarýly janjaldy retteý boiynsha birlesken málimdeme jasady. Bul týraly QazAqparat qyrǵyzstandyq Kabar jáne tájikstandyq Hovar agenttikterine silteme jasap habarlaidy.
«Qyrǵyzstan men Tájikstan shekarasyndaǵy qarýly janjaldy retteý boiynsha Qyrǵyzstan men Tájikstan úkimetteri bastamasymen qurylǵan komissiia 29 sáýir kúngi qaqtyǵystyń sebebi men saldaryn talqylady», - delingen Kabar agenttigi taratqan birlesken málimdemede.
Hovar agenttiginiń habarlaýynsha, Qyrǵyzstan men Tájikstan shekarasyndaǵy qarýly janjaldy retteý boiynsha Qyrǵyzstan men Tájikstan úkimetteri bastamasymen qurylǵan komissiia 29 sáýir kúngi qaqtyǵystyń sebebi men saldaryn talqylady, qarýly janjaldy toqtatý týraly ortaq kelisimge keldi. Atap aitqanda, jeke quram men áskeri tehnikany turaqty ornyna jetkizý, shielenistiń kúsheiýin boldyrmaý úshin sharalar qoldaný, eki dos halyq pen memlekettiń múddesine sai jemisti kelisý protsesi úshin kózdelgen sharalardy tolyq júzege asyrý men tiisti turaqty jaǵdai týdyrý maqsatynda eki el biliginiń quqyq qorǵaý organdary men atqarýshy bilik qyzmetkerleri qatarynan ortaq jumys tobyn qurý talqylandy.
Eske sala ketsek, 28 sáýir kúni Qyrǵyzstan men Tájikstan shekarasynda eki el turǵyndary ózara kelispei, qaqtyǵys bastaldy. Qyrǵyzstannyń Batken oblysynyń Batken aýdanynyń «Golovnoi» eldi mekeninde jaǵdai shielenisip ketti. Qyrǵyz tarapy qaqtyǵys aimaǵynan 848 adam kóshirilgenin málim etti.
Qyrǵyzstan men Tájikstan 29 sáýirde saǵat 20:00-den bastap atysty toqtatý týraly kelisimge keldi.
Sondai-aq, Qazaqstan Prezidenti qyrǵyz-tájik memlekettik shekarasyndaǵy jaǵdaiǵa bailanysty málimdememe jasady.
