قىرعىزستان مەن تەجٸكستان شەكاراداعى قارۋلى جانجالدى رەتتەۋ بويىنشا بٸرلەسكەن مەلٸمدەمە جاسادى. بۇل تۋرالى قازاقپارات قىرعىزستاندىق كابار جەنە تەجٸكستاندىق حوۆار اگەنتتٸكتەرٸنە سٸلتەمە جاساپ حابارلايدى.
«قىرعىزستان مەن تەجٸكستان شەكاراسىنداعى قارۋلى جانجالدى رەتتەۋ بويىنشا قىرعىزستان مەن تەجٸكستان ٷكٸمەتتەرٸ باستاماسىمەن قۇرىلعان كوميسسييا 29 سەۋٸر كٷنگٸ قاقتىعىستىڭ سەبەبٸ مەن سالدارىن تالقىلادى», - دەلٸنگەن كابار اگەنتتٸگٸ تاراتقان بٸرلەسكەن مەلٸمدەمەدە.
حوۆار اگەنتتٸگٸنٸڭ حابارلاۋىنشا, قىرعىزستان مەن تەجٸكستان شەكاراسىنداعى قارۋلى جانجالدى رەتتەۋ بويىنشا قىرعىزستان مەن تەجٸكستان ٷكٸمەتتەرٸ باستاماسىمەن قۇرىلعان كوميسسييا 29 سەۋٸر كٷنگٸ قاقتىعىستىڭ سەبەبٸ مەن سالدارىن تالقىلادى, قارۋلى جانجالدى توقتاتۋ تۋرالى ورتاق كەلٸسٸمگە كەلدٸ. اتاپ ايتقاندا, جەكە قۇرام مەن ەسكەري تەحنيكانى تۇراقتى ورنىنا جەتكٸزۋ, شيەلەنٸستٸڭ كٷشەيۋٸن بولدىرماۋ ٷشٸن شارالار قولدانۋ, ەكٸ دوس حالىق پەن مەملەكەتتٸڭ مٷددەسٸنە ساي جەمٸستٸ كەلٸسۋ پروتسەسٸ ٷشٸن كٶزدەلگەن شارالاردى تولىق جٷزەگە اسىرۋ مەن تيٸستٸ تۇراقتى جاعداي تۋدىرۋ ماقساتىندا ەكٸ ەل بيلٸگٸنٸڭ قۇقىق قورعاۋ ورگاندارى مەن اتقارۋشى بيلٸك قىزمەتكەرلەرٸ قاتارىنان ورتاق جۇمىس توبىن قۇرۋ تالقىلاندى.
ەسكە سالا كەتسەك, 28 سەۋٸر كٷنٸ قىرعىزستان مەن تەجٸكستان شەكاراسىندا ەكٸ ەل تۇرعىندارى ٶزارا كەلٸسپەي, قاقتىعىس باستالدى. قىرعىزستاننىڭ باتكەن وبلىسىنىڭ باتكەن اۋدانىنىڭ «گولوۆنوي» ەلدٸ مەكەنٸندە جاعداي شيەلەنٸسٸپ كەتتٸ. قىرعىز تاراپى قاقتىعىس ايماعىنان 848 ادام كٶشٸرٸلگەنٸن مەلٸم ەتتٸ.
قىرعىزستان مەن تەجٸكستان 29 سەۋٸردە ساعات 20:00-دەن باستاپ اتىستى توقتاتۋ تۋرالى كەلٸسٸمگە كەلدٸ.
سونداي-اق, قازاقستان پرەزيدەنتٸ قىرعىز-تەجٸك مەملەكەتتٸك شەكاراسىنداعى جاعدايعا بايلانىستى مەلٸمدەمەمە جاسادى.
