Qyrǵyzstan men Ózbekstan shekarasynda 6 qarashada jergilikti ýaqytpen 13:38-de 6 ball magnitýdasymen jer silkindi, dep habarlaidy KABAR agenttigi.
Qyrǵyz Respýblikasy UǴA Seismologiia institýtynyń málimetinshe, zilzala oshaǵy Ózbekstan men Qyrǵyzstan shekarasynda, Pýlgon aýylynan soltústik-shyǵysqa qarai 8 shaqyrym, Qadamjai qala tiptes aýylynan soltústik-shyǵysqa qarai 10 shaqyrym, Yntymaq aýylynan ońtústik-shyǵysqa qarai 10 shaqyrym jáne Osh qalasynan ońtústik-batysqa qarai 95 shaqyrym jerde ornalasqan.
Qyrǵyzstannyń eldi mekenderinde zilzala kúshi mynadai boldy:
Qadamjai, Pýlgon, Yntymaq aýyldarynda – 6 ball shamasynda,
Jidelik, Qotyr-Bulaq, Alǵa, Shýran, Markaz, Qara-Diobe, Úsh-Qorǵan, Qyzyl-Bulaq, Kotormo, Tamasha, Orozbekovo, Qyzyl Qiia qalasynda – 5 ball,
Karavan, Naiman, Bor-Bash, Kojo-Aryq, Qyzyl-Bulaq, Besh-Býrkan, Valakish, Chaývai, Qara-Djigach, Maidan, Karool, Qara-Shora, Gairat, Kýldý, Aidarken, Jańa-Qorǵan, Ormash, Sýr, Qyzyl-Qorǵan, Otýkchy, Sary-Ótek, Qara-Tumsyq, Jańa-Jer, Qyrǵyz-Qyshtaq – 4 ball,
Batken qalasy, Bazar-Bashy, Býjým, Nookat, Frýnzne, Djany-Nookat, Aravan aýyldarynda 4 balǵa jýyq,
Osh qalasynda – 3 ball.
Eske salaiyq, búgin, saǵat 13.38-de Qazaqstannyń seismikalyq stantsiialary Almaty qalasynan 565 km jerde Qyrǵyzstan aýmaǵynda bolǵan jer silkinisin tirkedi. Jerasty dúmpýi Shymkent qalasynda 2-3 ball qýatymen sezildi.
