Qyrǵyzstan men Qazaqstan shekarasynda júzdegen kólik óte almai tur, dep habarlaidy Ulysmedia.kz.
Kólikter Qyrǵyzstannyń “Aq tilek” pen “Ken-Býlýn” shekara beketterinde tur. Birinshi bekette 43 kólik tursa, ekinshi bekette 60-qa jýyq kólik shekaranyń kelesi betine óte almai tur. Olardyń ishinde Qyrǵyzstannyń da, Qazaqstannyń da kólikteri bar.
Qyrǵyzstannyń Shekara qyzmeti kólikterdiń jinalyp qalýynyń sebebin týristik maýsymnyń bastalýymen jáne koronavirýsqa qarsy shekteýlerdiń alynyp tastalýymen bailanystyryp otyr.
Kólikterdi kedergisiz ótkizý úshin barlyq sharany oilastyryp jatyrmyz. Júk kólikteriniń júrgizýshilerine eskertý-túsindirme jumystary júrgizilip jatyr. Olar bos beketterge jóneltiledi, - dedi Qyrǵyzstannyń Shekara qyzmeti.
Sondai-aq kezekti janar-jaǵar mai tasymaldaityn jeńil kólikter de jasap tur. Al koronavirýstyq shekteýler alynyp tastalǵan soń, eki eldiń azamattary kólikterimen demalys oryndaryna bara jatyr. Osyǵan deiin shekarany jeke kólikpen kesip ótýge shekteý qoiylǵan bolatyn.
